DÍA DA PAZ

Como todos os anos celebramos o Día Escolar da Non Violencia e a Paz. Este ano celebrarémolo cunha recollida de alimentos, en colaboración co Banco de Alimentos Rías Altas (Ferrol), para fomentar aos nosos nen@s a solidariedade e o compromiso cos demais, neste tempo de pandemia. Por iso investigamos a preto do Programa Mundial de Alimentos (WFP-World Food Program).

Feliz día da Paz!!! 💓💓

O PROGRAMA MUNDIAL DE ALIMENTOS "PREMIO NOBEL DA PAZ 2020" 

O Programa Mundial de Alimentos ( WFP) é un programa da Organización das Nacións Unidas (ONU) que distribúe alimentos para apoiar proxectos de desenvolvemento, a refuxiados de longa duración e persoas desprazadas. A súa sede está na cidade de Roma (Italia). 

É a organización humanitaria líder que “salva vidas e cambia vidas”, dando asistencia alimentaria en emerxencias e traballando coas comunidades para mellorar a nutrición e crear resiliencia. 

Aínda que a comunidade internacional comprometeuse a terminar coa fame, conseguir a seguridade alimentaria e mellorar a nutrición para o 2030, unha de cada nove persoas no mundo segue sen ter suficiente alimento. Os alimentos e a asistencia relacionada con eles son clave para romper o ciclo da fame e a pobreza.

As tres peores crises alimentarias neste momento prodúcense en países afectados por conflitos: Afganistán, a República Democrática do  Congo e Iemen.

                                                 

Mentres o mundo atópase ao bordo dunha pandemia de fame, co impacto do coronavirus que ameaza con duplicar o número de persoas que padecen fame, quen vive en áreas afectadas por conflitos son os que máis sofren.

QUE TEN  QUE  VER A FAME COA PAZ?

O Programa Mundial de Alimentos ( WFP) estivo traballando na primeira liña das emerxencias durante máis de 50 anos, brindando esperanza a millóns de persoas atrapadas en conflitos. Moitas das persoas ás que axudan están a fuxir da violencia, deixando atrás toda a súa vida.

Cando os enfrontamentos fan que un gran número de persoas abandonen os seus fogares, as súas terras e os seus traballos, é máis probable que pasen fame. Pero o contrario tamén é certo. A escaseza de alimentos pode avivar as chamas das tensións sociais e alimentar as inxustizas, que en última instancia poden desencadear ou  exacerbar conflitos.

A seguridade alimentaria, a paz e a estabilidade van da man. Sen paz, non podemos acabar coa fame no mundo; e mentres haxa fame, nunca teremos un mundo pacífico.  

Polos seus esforzos por loitar contra a fame, pola súa contribución para mellorar as condicións de paz nas zonas afectadas por conflitos e por actuar como motor dos esforzos para previr o uso da fame como arma de guerra e conflito,o Programa Mundial de Alimentos (WFP) foi galardoado co Premio Nobel da Paz o 9 de outubro de 2020.